Nongstoiñ, Naiwieng 22
Ka West Khasi Hills Athletics Association kan pynlong ïa ka prokram jied nongïalehkai (Selection Trial) ïa ki khynnah kiba dei na kane ka thaiñ na ka bynta ban pynkhreh ïa ki jingïalehkai bapher bapher hapoh ka District.
Ha ka kyrwoh khubor ba la phah da ka synjuk la pyntip ba katei ka jingpyrshang kan long ha ka 25 tarik mynta u bnai naduh ka por 7 baje haduh 11 baje mynstep ha madan NDSA Nongpyndeng.
Shuh shuh la ong ruh ba ha kane ka jingpyrshang ki jingdonkam ki long ban shim ïa ki khynnah Junior naduh 14 haduh 20 snem rta, Senior kiba 20 snem shaneng.
Ka synjuk ka la bthah ruh ba ki khynnah ki dei ban pynbiang la ki jong ki tiar jingdonkam kum ki juti, patlun lyngkot bad kiwei kiwei, nangta ka bai leit bai wan bad ka bam kin bahkhlieh hi ki nongwan ïashim bynta. Ïa ki jingtip ba kham bniah lah ban phone ha u Bah Phaskal Nongrum 7085858142, Kmendarisuk Kharbani 8787853005 bad u Bah Roney Nongsiej 8132095034.
