Chandigarh, Naiwieng:
Kum shi bynta ban pyntreikam halor ka jingtip naba don jong ka kam beaiñ, ki shipai jong ka tnat Border Security Force (BSF) ha ryngkat ki pulit jong ka Punjab ki la pynlong ïa ka jingleit thwet ha ki bynta ba marjan jong ka shnong Attari kaba don ha Amritsar.
Ha kane ka jingleit thwet bad leit jurip bniah, ki la lap ïa kawei ka pla bad haba la khmih bniah hapoh jong ka la lap ïa u Heroin uba palat ïa ka 5 kilo na kawei ka madan kaba don hajan ka khappud India-Pakistan ha Amritsar distrik kaba don ha ka khappud ha Punjab hynnin ka sngi, la ïathuh u heh jong ka tnat BSF.
