Shillong, Naiwieng 23
Ka Mawtawar SC bad ka Sohryngkham SC ki la khur ïa ka jingjop ha ka Second Division Football League 2023 ba la pynïaid da ka Shillong Sports Association ha ka Sngi Palei ha 1st Ground (SSA Stadium) Polo.
Ha ka jingïakhun kaba nyng-kong ka Mawtawar ka la pynjem khnap ïa ka Laitlyngkot SC haduh 5-0 kol. U Steward Ryntong u la khur ïa ka hat-trick hadien ba u la ïoh ban thep lai kol ha ka minit kaba 9, 34 & 87, katba ïa ki shi kol la pynbud da u Larrykardson Lyngdoh (65) bad u Teibhalang Kharpuri (80).
Haba phai sha ka jingïa-khun kaba ar, ka Sohryngkham SC ka la jop da 2-1 kol ïa ka Jongksha SC.
Ha kane ka jingïakhun ka Jongksha ka la ïoh ban thep kol nyngkong eh lyngba u Nangïarkam Kshiar ha ka minit kaba 22 na ka bynta ban tam shi kol ha ka kylla step. Hynrei dei ha ka kylla miet ba ka Sohryngkham ka la lah ban pynphai kylla ar kol lyngba u Wanbok Dkhar ha ka minit kaba 76 bad u Wanlambha Kharpran (82) na ka bynta ban khur syndon ïa ka jingjop.
