Amlarem, Naiwieng 24
Ka lympung ïalehkai Super Division Football League ba la pynïaid da ka Amlarem Sub Division Sports Association (ASSA) ka la jam shaphrang ha Mini Stadium Ladjaplem kaba ha Amlarem.
Ha ka jingïalehkai kaba la long ha ka sngi Palei, ka Dong Mihsngi Mupyut ka la ïoh jingjop hadien ba pynliem ïa ka YSWC Thangbuli da 2-0 kol.
Ha kane ka jingïakhun baroh arliang kynhun kim shym lah ban thep kol ha ka kylla step. Ka Dong Mihsngi ka la lah ban pynurlong na ka bynta ban thep ar kol ha ka kylla miet lyngba u Marcus Khongioh ha ka minit kaba 50 bad u Plantis Lyngdoh ha ka minit kaba 82.
Kane ka lympung ïalehkai kan bteng biang ha ka sngi Saitjaiñ (25 tarik) hapdeng ka Amlarem Social Club pyrshah ïa ka Seinbhalang Shkentalang FC ha ka por 2:30 janmiet.
