Khliehriat, Naiwieng 24
Ka Sutnga SSCC bad ka Rymbai Skhenshynriah ki la ïoh jingjop ha ka Super Division Football Tournament ba pynïaid da ka East Jaiñtia Hills District Football Association (EJHDFA) ha ka sngi Thohdieng ha madan Diengshynrum.
Haba phai sha ka jingïalehkai, ka Sutnga SSCC ka la jop da 5-1 kol ïa ka Moolamanoh SC. Ïa kine la thep da u Sumar-bha Bareh ha ka minit kaba 51, ar kol la thep da u Ioanis Suchen ha ka minit kaba 53 bad 55, Onio Sutnga (64) bad u Isneilang Dkhar ha ka minit kaba 70. Katba ïa ka shi kol jong ka Moolama-noh la thep da u Michael Siangshai ha ka minit kaba 79.
Ha jingïalehkai kaba bud, ka Rymbai Skhen-shynriah ka la jop da 2-0 kol ïa ka Thangskai Tiger. Ïa kine ki ar kol la thep ar kol da u Hikaidame Bareh ha ka minit kaba 21 bad 45+1.
Ka jingïalehkai mynta ka sngi Saitjiañ kan long hapdeng ka Khliehriat West YWSC pyrshah ïa ka Rymbai Ïawpynsing ha ka por 12 baje mynsngi bad ka Dhana SC ïa ka Rymbai Wahshnong ha ka por 2 baje nohphai sngi.
