New Delhi, Naiwieng:
Ki pulit ki la pynshisha ba da ka jingpynlong ïa ka jingleit khynra sha ki jaka ba la ap jingma na ki kam shah thombor ha Ahmedabad, Gandhinagar, Nariman House, Gateway of India kaba ha Mumbai, bad ha ki jaka ba treikam ki shipai, la lah ban pynpulom da ki pulit, la ïathuh ka tyllong khubor.
Kumba la sakhi bad lap dien la ong ba kine ki kam pyntriem ba la shah pynpulom noh ha kylleng ki jaka kiba don ha India ki dei kiba la thmu thombor da ki lehnoh Islamic State, la ong ka tyllong khubor hadien ka jingkhmih bniah halor ki jingjia baroh.
Kane ka la paw pyrthei ha ka por ba ka la don ka jingtohkit ïa u Shahnawaz ba la tip ruh da ka kyrteng kum u Shafi Uzzama, u dkhot jong ka kynhun lehnoh Islamic State uba la shahkem ha ki pulit jong ka Delhi ha u bnai ba la lah. Ka jingphla jong une u lehnoh ka la pynlong ruh ban ïoh jingtip halor ka jingdonkti jong ki khynnah pule na Aligarh Muslim University ha kine ki kam pyntriem.
Kumba la ïathuh ka tyllong khubor, la ong ba ka Pune ka la ong ka jaka kaba pdeng eh ha kaba ïadei bad ki jingthmu jong ki lehnoh Islamic State. Ïa u Shahnawaz, uba la suba donkti bad ka kynhun ki lehnoh jong ka kynhun Islamic State ha Pune, la kwah ban kem da ki pulit, la ïathuh ka tyllong khubor.
