Saipung, Naiwieng 24
Ka Mulait Bri Sumer bad ka Mochut Pyrdung SC ki la kiew kyrdan sha ka Super Division ha kaba kin ïoh ban ïashim bynta naduh ka aïom ka ban wan. Kane ka wan jia hadien ba ki lah ban ïalehkai bha ha ka First Division Football Tournament ba la pynïaid da ka Saipung Block Sports Association (SBSA).
Ha ka jingïakhun kaba la long ha ka sngi Thohdieng ha madan Lamyrsiang, ka Mulait Bri Sumer ka la pynliem ïa ka United Biate da 1-0 kol bad ïa kane la thep da u Manki Lyngdoh ha ka minit kaba 42.
Haba phai sha ka jingïakhun kaba bud, ka Mochut Pyrdung SC ka la pynliem ïa ka Daistong SC da 3-0 kol. Ka jingïakhun ka la long kaba ïakhaid bha, hynrei tang hadien shiteng kynta ka Mochut Pyrdung ka la ïoh ban pynkhih jar nyngkong eh lyngba u Thomas Dkhar ha ka minit kaba 38, u Bikral Chyrmang ha ka minit kaba 47 bad u Rahul Bareh ha ka minit kaba 59.
