Nongstoiñ, Naiwieng 24
Ka kynhun ïalehkai jong ka Mawkawah ka la khur ïa ka jingjop ha ka Super Division ba la tip kum ka NDSA Premier League Football tournament 2023-24, hadien ba la pynliem noh ïa ka Upper New Nongstoiñ da 1-0 kol ha ka sngi Thohdieng ha madan NDSA kaba ha Nongpyndeng, West Khasi Hills.
Kane ka nam jop jong ka Mawkawah ka la wan urlong lyngba ka shi kol ba la thep da u Pynkhrawkupar Lyngkhoi ha ka minit kaba 64.
Haba phai pat sha ka 1st division, ka Mawïong-Pyndengrei ka la jop da 2-1 kol ïa ka Steplanglur SC.
Na ka liang ka Football Committee ka la pyntip ba ka jingïalehkai myngta ka sngi Saitjaiñ ha ka Super Division kan long hapdeng ka Pyndengrei pyrshah ïa ka Tiehsaw pengkyllut ha ka por 2 baje janmiet, katba ha ka por 12:05 mynsngi ha ka 1st Division kan long hapdeng ka New Nongstoiñ SC pyrshah ïa ka Jaidoh.
