Shillong, Naiwieng 24
Ka Meghalaya Cricket Association ka la pynbna ïa ki 15 ngut ki rangïalehkai ki ban mihkhmat ïa ka kynhun ïalehkai U-16 ka Jylla ha ka Vijay Merchant Trophy.
Ka Meghalaya, kaba la long ba la pynkhreh bha na ka bynta kane ka lympung, ka ïakhun haduh san sien ha Cuttack, kata pyrshah ïa ka Sikkim, Nagaland, Arunachal Pradesh, Mizoram bad ka Manipur.
Ka jingïalehkai kaba nyngkong kan long ha ka 1 tarik u Nohprah pyrshah ïa ka Sikkim. Te kumta kane ka kynhun kan mih ban leit sha Odisha ha ka 28 tarik.
Ki rangïalehkai ka Jylla ki long u Aashish Kumar Lohar, Apandanka N. Marak, Benedict Jones Makdoh, Dipayan Nandi, Gaurav Jyoti Thakuria, Gaurav Narleng, Heiyomiki Ryngkhlem, Kristwal S Marak, Manthan Gupta, Maremdorkini Sutnga, Mewankitbok M Kharpuri, Namewanki Pakyntein, Paisal Ali, Rudra Singh Rathore bad u Sujal Roy. Katba ki rangïalehkai ïa kiba la pynap lypa (standby) ki long u Nathaniel Pyngrope, Rohit Sharma bad u Lawan Pynsuk L. Mawnai.
Kiba ïadon bynta bad kane ka kynhun ki long u Sengam G Momin (head coach), Shankar Newar (assistant coach), Karma Sangma (physio), Santosh Ram (trainer) bad u Robert Z Ralte (manager)
Ka Meghalaya kan pynkhreh ïa ka jingïakhun kaba ar pyrshah ïa ka Nagaland naduh 6 tarik, ïa ka Arunachal Pradesh naduh 11 tarik, ïa ka Mizoram naduh 16 tarik bad ïa ka Manipur naduh 21 tarik u Nohrah.
