Jerusalem, Naiwieng:
Ha kane ka khubor, la ong ba ki kmie-ki kpa kiba long ki nongshong shnong ka Israel bad kiba dang shu iohpdiang ia ki khun thymmai ki la jer kyrteng ia ki khun jong ki da ki kyrteng jong ki shnong bad ki dong kiba la shah thombor ha ki lehnoh Hamas. Kane ka long kum shi bynta ban pynsah kynmaw bad ban pyndonburom ia ka jingïap jong ki bahaïing- hasem bad ki marjan-marpa jong ki kiba la khlad noh hapdeng ka thma jong ki lehnoh Hamas bad ka Israel ha kane ka por.
Ki don kumba 45 ngut ki khyllung ba la kha naduh ka 7 tarik u Risaw ba sdang ka thma hapdeng ka Hamas bad ka Israel. Ki kmie-ki kpa ki la jer kyrteng ia ki khun da ka Beeri, kaba long kawei na ki thaiñ kaba don hapoh Gaz Strip bad kaba la sakhi jur ia ki jingjia shah thombor bad shah dawa pisa bad kumjuh ruh ki jingshah rahbor.
Katei ka tnat ka la batai ruh ba ka jingmut jong ka kyrteng Oz kamut ‘ka jingkhlaiñ’ ha ka ktien Hebrew bad ia kane ka kyntien la buh kyrteng ia 49 ngut ki khyllung shynrang bad iwei i khyllung kynthei kum ki Nir Oz & Nahal Oz.
Ha kawei pat ka jaka kaba la shah thombor ha ki lehnoh Hamas, la jer kyrteng ia 8 ngut ki khyllung shynrang kum ki Nir Oz bad ia 3 ngut pat ki khyllung kynthei kum ki Nova Oz.
