Imphal, Naiwieng:
Ka sorkar Manipur ka la ong ïa ka Supreme Court ba ka pisa kaba T. 5 klur la ai sha ka Women Victims Compensation Fund na ka bynta ban sam kum ka bailutksan sha ki lanot kiba dei ki kynthei ne kito kiba la lait im na ki jingshah thombor.
Ka la ong ba kane ka pisa la dep ban thep ha ka Bank Account ïa kaba la pyntreikam da ka Member Secretary of Manipur State Legal Services Authority.
Ka sorkar jylla ka la ong ïa ka ïingbishar bahakhliehduh ba ka tnat ki kam pohïing ha u Jymmang jong une u snem ka la bthah ïa baroh ki Deputy Commissioner ba kin plie ïa ki Aadhaar Camp bakyrpang na ka bynta ban ai ïa ki Aadhaar Card kiba la jah ne ing ha ka por ba la jia ki jingïakynad ha ka jylla.
“Ka la ong ba haduh mynta la shna biang ïa 3,928 tylli ki Aadhaar Card na ka bynta ki briew kiba sah ha ki jaka sah ba shipor da kaba plie ïa kine ki Aadhaar Camp bakyrpang,” la ong ka kaiphot ba la phah sha ka Supreme Court.
