Egypt, Naiwieng:
Ka Hamas ha ka Sngi Thohdien, ka la pyllait ia ka kynhun ba nyngkong jong 24 ngut ki briew ba shah rahbor jong ka Israel naduh ba khie ka thma ha ka 7 tarik u Risaw 2023.
Kumjuh ruh na ka liang ka Israel, ka la pyllait noh ia 39 ngut ki briew jong ka Palestine kiba la shah bat bad shah kem ha Israel naduh ki por ba la leit. La leh ia kane katkum ka jing-iamynjur hapdeng ka Israel bad ki lehnoh Hamas ha ka jingsangeh thma ba 4 sngi.
La ong ba 13 ngut na kitei kiba la pyllait da ka Hamas ki dei ki nong Israel, kiba kynthup ia 4 ngut ki khyllung bad 6 ngut ki longkmie, kiba la shah rahbor ha ki lehnoh Hamas naduh ba sdang jong ka thma. Kumta ki bor pyniaid ka Israel kin phah peit bniah shuwa ia kitei ki nong Israel baroh shuwa ban pynpoi noh ia ki sha ki iing ki sem jong ki.
