Shillong, Naiwieng 27
Ka Nongrah SC bad ka Pohkseh SC ki la khur ïa ka jingjop ha ka Second Division Football League 2023 ha ka Lah Sngi U Blei ha SSA Stadium, Polo.
Ha kane ka jingïakhun ka Nongrah ka la pynliem noh ïa ka Umphrup SC da 4-1 kol. Ïa kine la thep da u Dawandappura Pathaw (6 & 79), Kerionald Pyngrope (10) bad u Sondingroy Rngaid (84). katba na ka liang ka Umphrup ka la pynphai kylla lyngba u Luckystar Lyngshing (66) hashwa ba kan mad ïa ka jingshah rem.
Haba phai sha kawei pat ka jingïakhun kaba ar, ka Pohkseh ka la pynliem noh ïa ka Lumshyiap SC lyngba ka shi kol ba la thep da u Hilford Lyngkhoi (56).
