Ghaziabad, Naiwieng:
Ka jingdon jong kiba ïoh ïa ka jingpang khlam ha Ghaziabad ka la tam ïa ka jingdon jong ki briew kiba ïoh ïa ka jingpang ha ki 10 snem ha kaba ki la don kumba 1245 ngut ha ka distrik haduh ka sngi Balang jong ka taïew ba la lah, la ïathuh ki heh ka tnat ka koit ka khiah jong ka distrik, ha kaba la bynrap shuh shuh da kaba ong ba ki la don ruh saw ngut ki briew kiba la ïap na ka daw ka jingshah ktah ha ka jingpang.
Kumba ka la long haduh ka taïew ba la lah, ki heh ba dei khmih jong ka tnat ka koit ka khiah, la ong ba ki la don kumba saw tylli ki jingjia jong ka jingïap ki briew na ka jingshah ktah ha ka jingpang khlam ha kane ka aïom.
Kumba la ïathuh ka tyllong khubor ba la wan na ki heh nongpynïaid distrik, la ong ba ka Ghaziabad ka la don kumba 226 ngut ki briew kiba la ïoh ïa ka jingpang ha u snem 2014, 621 ngut ha u 2015, 232 ngut ha u 2017, 68 ngut ha u 2018, 88 ngut ha u 2019, 15 ngut ha u 2020, 1,238 ngut ha u 2021 bad 662 ngut ha u 2022.
