Amlarem, Naiwieng 27
Ka Jarain C&SC ka la khur ïa ka jingjop ha ka lympung ïalehkai Super Division Football League ba la pynïaid da ka Amlarem Sub Division Sports Association (ASSA).
Kane ka la wan urlong hadien ba ka lah ban pynliem noh ïa ka Umladkhur da 2-1 kol ha ka Lah Sngi U Blei ha Mini Stadium Ladjaplem kaba ha Amlarem.
Ïa ki kol jong ka Jarain la thep da u Wanki Pohthmi ha ka minit kaba 21 bad 80, katba ïa ka shi kol jong ka Umladkhur la thep da u Dongmi Surong ha ka minit kaba 23.
Ka jingïalehkai ha ka sngi Ba-ar kan long hapdeng ka YC Pdengkarong pyrshah ïa ka Dongmihsngi Mupyut ha ka por 2 baje nohphai sngi.
