New Delhi, Naiwieng:
Ka Dorkar Tlang jong ka Parliament, 2023, kan sa sdang naduh ka 4 tarik, Nohprah bad kan bteng haduh ka 22 tarik, Nohprah. Ha ka kyrteng jong ka sorkar, u Parliamentary Affairs Minister u Prahlad Joshi u la wer na ka bynta ka jingïalang jong baroh ki seng ha ka 2 tarik, Nohprah ha ka por 11 baje mynstep na ka bynta ban ïakren halor ka jingpynlong ïa ka Dorbar Tlang jong ka Parliament.
Wat lada ïa ka jingïalang la ju pynlong shi sngi shwa ka dorbar, ha kane ka sien kaba mynta namar ka jingdon jong ka jingñiew Vote na ka bynta ki san tylli ki jylla ha ka 3 tarik, Nohprah la hap ban pynlong shwa ïa ka jingïalang.
