Shillong, Naiwieng 28
Hadien ba ka la lah ban khur ïa ka takma ksiar ha ka Para Asian Games, ka Sheetal Devi ka la kiew ar kyrdan na ka bynta ban bat ïa ka kyrdan ba hakhlieh jong ka para world archery na ka bynta ki ‘thei nongsiat khnam ha ka compound (open category).
U Rakesh Kumar, uba la khur lai tylli ki takma ksiar ha ka Para Asian Championship kaba dang shu kut shen, u la jam ar kyrdan na ka bynta ban bat ïa ka kyrdan balai
Ka Sarita, ka la long sa kawei pat ka nongsiat khnam jong ka ri kaba la khur ïa ka takma rnong ha ka Bangkok Asian Cham-pionships, ka la nangjam shaphrang ha ki kyrdan ba kham shakhmat. Kane ka ‘thei ïalehkai ka la lah ban jam haduh hynñiew kyrdan na ka bynta ban don ha ka kyrdan ba hynriew.
