Nongstoiñ, Naiwieng 28
Ka kynhun ïalehkai jong ka Khliehmaw-lieh YC ka la jop da ka sait ha ka lympung ïalehkai NDSA Premier league Football Tournament 2023-24 ha ka sngi Ba-ar jong ka taïew ha madan NDSA kaba ha Nongpyndeng.
Kane ka nam jop ka la wan hadien ba ka lah ban pynliem noh ïa ka Mawlarshong da 1-0 kol. Kane ka shi kol ka la wan urlong lyngba ka penalty ba la shut da u Liberius Mynsong ha ka minit kaba 69.
Haba phai pat sha ka 1st Division, ka kynhun ïalehkai jong ka Marskuiñ ka la ïoh ban khur ïa ka jingjop hadien ba ka la pynliem noh da 1-0 kol ïa ka Porshangbet.
Na ka liang ka Football Committee, ka la pyntip ba ka jingïalehkai ha ka sngi Balang ha ka 1st Division kan long hapdeng ka Mawtynrong SS& CC pyrshah ïa ka Siejlieh SC ha ka por 12:05 mynsngi, katba ha ka por 2 baje janmiet ha ka Super Division kan long hapdeng ka Khliehmawlieh YC pyrshah ïa ka Mawkawah FC.
