Jowai, Naiwieng 28
Ka West Jaiñtia District Sports Association (WJDSA) kan pynlong ïa ka jingpyrshang ne ka Trial Camp na ka bynta ban jied ïa ki ‘rang bad ‘thei ïalehkai ban mihkhmat ïa ka District sha ka Meghalaya Games 2024.
Kane ka jingjied nongïalehkai kan long ha ka 8 tarik u Nohprah ha ka por 8 baje mynstep ha madan Kiang Nangbah Stadium Ladthadlaboh, Jowai.
Ka rta jong ki nongwan shim bynta ka long 16 snem shaneng bad 23 snem shapoh. Ki jingïalehkai na ka bynta ki rangïalehkai ha ka Under-23 ki long 100 Mtr, 20Mtrs, 400Mtrs, 800Mtrs, 1500Mtrs, 5000Mtrs, 10000Mtrs, High Jump, Long Jump, Javelin Throw, 4x100Mtrs bad Mixed Relay.
Ki jingïalalehkai na ka bynta ki ‘thei ïalehkai ha ka Under-23 ki long 100 Mtr, 20Mtrs, 400Mtrs, 800Mtrs, 1, 500Mtrs, 5,000Mtrs, 3,000Mtrs, 10,000Mtrs, High Jump, Long Jump, Javelin Throw, 4x100Mtrs bad Mixed Relay.
Ki nongshim bynta ki dei ban wanrah lang ïa ki kot ki sla kum ka Aadhaar Card, syrnod sngikha (Original Birth Certificate).
Ka WJDSA ka la kyrpad ïa ki rang bad ‘thei ïalehkai na West Jaiñtia Hill District kiba don sap ha kine ki jingïalehkai ba kin wan ïashim bynta ha kane ka prokram. Ïa ki jingtip kiba kham bniah ki lah ban phone ha ki number +919856109222 & +919862274201.
