Shillong Naiwieng 28
Kum shi bynta ban pynmih pisa ïa ka Club na ka bynta ka 1st Division Football League bad 1st Division Cricket League, ka Malki SC kan pynlong ïa ka Penalty Shootout bad Fete ha ka 1 tarik bad 2 tarik Nohprah 2023 ha Madan Malki naduh ka por 10 baje mynstep.
Ha ka 1 tarik Nohprah, kiba jop kin ïoh ïa ka song tyngka T.10,000 katba kaba wan ba-ar kan ïoh T.5000. Ka bai rung ha katei ka sngi kan dei T.500.
Ha ka 2 tarik Nohprah, kiba jop kin ïoh ïa ka song tyngka T.15,000 bad ba wan ba-ar kan ïoh T.10,000. Ka bai rung ha katei ka sngi kan long T.700 . Kino kino ki kynhun kiba kwah ban ïashimbynta ki hap poi noh ha Madan Malki ha ka por 10 baje mynstep.
Nalor ka Penalty Shootout, ka Club kan pynlong ruh ïa ka Fete ha ka 1 tarik bad 2 tarik Nohprah. Ka Bumper Prize jong ka Housie ka long T.50,000 ha ka 1 tarik Nohprah, bad T.1 lak ha ka 2 tarik Nohprah. Ka Housie kan sdang naduh ka por 6 baje janmiet.
La pyllait ïa u kyrwoh khubor da u Assistant Secretary ka Club, u Bah Teibor Kharumnuid.
