Jowai, Naiwieng 29
Ka Mukhla Raij bad ka Nangbah Mulang ki la ïasam mar shi point ha ka lympung ïalehkai Super Division Football Tournament ba la pynïaid da ka West Jaiñtia District Sports Association na ka bynta ka Kiang Nangbah Memorial Trophy 2023, hadien ba ki la ïakhaid mar 5-5 kol haka sngi Balang ha Kiang Nangbah Stadium, Jowai.
Ha ka jingïakhun ka Nangbah Mulang ka la ïoh ban thep ha ka minit kaba 2 lyngba u Mebanjop Hinge, u Chanhok Siangshai ha ka minit kaba 41, u Woldrick Susngi ha ka minit 69 & 90 bad ïa kawei pat la ïarap pynthep da u rangïalehkai ka liang pyrshah ha ka minit kaba 90+5.
Katba ïa ki kol jong ka Mukhla Raij la thep da u rangïalehkai ka liang pyrshah u Noel Dkhar ha ka minit kaba 16, u Timmy Ryngkhlem u la khur da ka hat-trick hadien ba u la thep ha ka minit kaba 20, 90+4 & 90+5 bad u Diya Singh ha ka minit kaba 88.
