Amlarem, Naiwieng 30
Ka Amlarem Social Club ka la pynliem noh da 2-0 kol ïa ka Man I Bha ha ka lympung ïalehkai Super Division Football League ba la pynïaid da ka Amlarem Sub Division Sports Association ha ka sngi Palei ha Mini Stadium, Ladjaplem Amlarem.
Ïa ki kol jong kane ka kynhun la thep da u Tori Jungai ha ka minit kaba 43 bad u Tiplang Rasmut ha ka minit kaba 46 na ka bynta ban pynlong ïa ka Amlarem ban khur ïa ki lai point.
Ha ka 4 tarik u Nohprah ka jingïalehkai kan long hapdeng ka Jarain C&SC pyrshah ïa ka Dongmihsngi Mupyut ha ka por 2 baje nohphai sngi.
