Rome, Naiwieng:
U Pope Francis ha ka Sngi Ba-ar, u la pynsangeh noh ia ka jingleit sha Dubai na ka bynta ka jingialang COP28 hadien ba ioh jingmaham na ki doktor. Katei ka jingialang COP28 ka long ban iakren halor ki jingeh kiba lah ban wan namar ka jingkylla jong ka suiñ bneng ha kine ki sngi ki ban wan.
Kumta, la ong ba watla ka koit- ka khiah jong utei u nongialam niam ‘Holy Father’ ka la kham biang haba iadei bad ki jingshitom kiba ïasyriem bad ka jingpang ‘Flu’, hynrei ki doktor kiba dei peit bad sumar ia u ki la kyntu bad maham ia u Pope ba un pynsangeh noh ia katei ka jingleit kaba u la pynkhreh baroh shi katta namar ka lah pat ban ktah ia ka met jong u ha ki sngi ban wan.
