Nongstoiñ, Nohprah 01
Ka lympung ïalehkai kynjatbol ba la tip kum ka Invitation Knockout Football Tournament 2023-24 ban pynlong da ka New Nongstoiñ Sports Social & Cultural Club (NNSSCC) kan sdang ha ka 4tarik u Nohprah.
Ki kynhun ki ban ïakhun ha katei ka sngi kin long hapdeng ka Blue Bomber’s pyrshah ïa ka KMC FC Sonapur ha ka por 1 baje nohphai sngi ha madan New Nongstoiñ.
Na ka liang ka NNSSCC ka la khmih lynti ba katei ka jingïakhun hapdeng kitei kynhun khlem pep kan long kaba itynnad. Kumta la wer ïa baroh ki paidbah ‘riew ïeit kynjatbol jong ka thaiñ bad na kiwei pat ki jaka ba kin wan sakhi ïa katei ka jingïalehkai.
