C. B.Iawphniaw
Ka Politik ka don ka bor kaba khlaiñ bha ha ki kam ki jam baroh. Ka politik ka ioh rung lut ha ki kyndong kynshrot ka ri. Dei tang ka politik kaba ioh rung lut ha man la ki thliew ki syar kaba ïa dei bad ka synshar ka khadar. Ka politik ka don ha man ki kam ki jam ba ïa dei bad ngi ki briew.
Ka politik ka long kum ka um. Ka politik ka don bad ioh rung ha ki kam pynïapher jaitbynriew. Ka politik ka ioh ban rung ha ka pollution, ka ioh rung ha ka niam, ka ioh rung ha ka thma, ka ioh rung ha ki tamasa bapher bapher, ka ioh rung ha ki jingïalehkai (sport) bapher bapher, ka lah rung ha ka thungkam thungjam, ka ioh rung ha ki kam shnong kam thaw ka ioh na ki skul bad ki kolej, ka ioh rung na ki kam shna surok ki lynti ki syng-kien.
Ka politik ka don ka bor kaba khlaiñ bha kaba ïa dei bad kaba ktah ïa baroh naduh ki kam ba rit ba ria bad ki kam ba heh ba khraw ruh. Ka politik ka lah rung ha ka sam symbai kiba rep ba riang.
Ka ioh rung ha ki nongñiah kali ki nongdie jingdie bad bun kiwei kiwei ki kam khaïi pateng, khlem ka politik imat ym don ka roi ka par ha ka ri bad ka jaitbynriew. Ka politik ka lah ban pynkylla ïa kaba bha sha kaba sniew bad na kaba sniew sha kaba bha.Ka politik ka pynmih ki kynja jingïakhih bapher bapher ha ka ri bad ka jaitbynriew. Kane ka long ka bor jong ka politik.
