Los Angeles:
Ka Eva Longoria ka kwah ban pawnam bad paw pyrthei ym na ka bynta ka kam ak phlim ha kaba kane ka puron ha kawei na ki interview ka la iathuh ba ka kwah ba ki briew kin tip ia ka kum kawei na ki nongtrei mon sngewbha hynrei ym tang kum ka puron.
Ka Eva kaba la snohkti bad kiba bun ki seng trei mon sngewbha ka sngew ba ka dei ka kamram jong ka ban leh bha na ka bynta kiwei khamtam lei lei na ka bynta kito kiba shah ktah ha ka jingban ka jingduk bad jingkyrduh.
Ka Eva kaba la 48 snem ka la don bynta bad kiba bun ki seng trei mon sngewbha la bun bun snem mynta bad ai mynsiem lem ia kiwei kiwei ki puron ka Hollywood ba kin shim bynta lem ha kaba iadei bad kane.
Kane ka puron jong ka ‘Desperate Housewives’ kaba la long ruh ka nongpynmih phlim ka sngewkmen ba bun ki la ioh jingmyntoi lyngba ki kam babha ba la leh da ki seng trei mon sngewbha bad kyrmen skhem ruh ba ha ki snem ban wan kan ioh ban leh sa da kiwei kiwei pat ki kam ki ban ai jingmyntoi ia kiwei.
