Khliehriat, Nohprah 03
Ka Sutnga SSCC ka la wan ha ka kyrdan kaba hakhlieh duh jong ka miej ïakheiñ point jong kane ka aiom ïalehkai Super Division Football Tournament ba la pynïaid da ka East Jaiñtia Hills District Football Association (EJHDFA).
Ka Sutnga SSCC ha ka sien ïakhun kaba mar hynriew sien ka la lah ban kamai haduh 16 point, bud sa ka Rymbai Shken-shynriah Sports Club kaba la khur 11 point, ka Khliehriat West YWSC bad ka Dhana Sports Club kiba la ïoh mar 8 point, ka Rymbai Iawpyn-sing Sports Club ka la ïoh 6 point, ka Thangskai Tiger Sports Club ka la ïoh 5 point, ka Rymbai Wahshnong Sports Club ka la ïoh 4 point bad ka Moolamanoh Sports Club ka dang ïoh tang 2 point.
Shwa ban jam sha ka semi-final, ki jingïalehkai kiba dang sah ki long hapdeng ka Rymbai Shkenshynriah pyrshah ïa ka Khliehriat West YWSC, ka Moolamanoh pyrshah ïa ka Rymbai Wahshnong ka ban long ha ka 4 tarik mynta u bnai ha ka por 11 baje mynstep bad 1 baje mynsngi.
Ka jingïalehkai kaba khatduh kan long ha ka 6 tarik Nohprah hapdeng ka Dhana Sports Club pyrshah ïa ka Rymbai Shkenshynriah, ka Rymbai Wahshnong pyrshah ïa ka Thangskai, ka Rymbai Iawpynsing pyrshah ïa ka Moolamanoh, ka Sutnga pyrshah ïa ka Khliehriat West ha ka por 11 baje mynstep ha ki artylli ki madan ïalehkai.
