C.B Iawphniaw
Kane ka long kaei kaei ka jingleh khlem pyrkhat jong ka District Council (KHADC) kaba dei peit ïa ki riti ki dustur ka Jaitbynriew. Haba ïa ki khun bar jylla ka kmie Khasi ki ai jait sha ka kmie Khasi. Balei pat ïa ki khun u kpa Khasi kim ithuh ban ai jait sha u kpa Khasi, watla ka kmie ka dei ka Khasi ne ka bym dei Khasi ruh? Kane ka dei ka jingleh, ka long pyrshah ïa ka dustur ka riti uba rim bajah ka jaitbynriew Khasi kaba dei ban ai jait na u symbai tynrai u Khasi. Ym dei ban ai jait Khasi ïa ki khun ki kpa bym dei Khasi, watla la pynshong nongrim ha kata ka ai jait kmie. Balei yn kheiñ Khasi tang ïa kiba ai jait kmie? U shynrang uba dei u Khasi nylla paka la dei ban ithuh ba ki khun kin ioh la ka jait u kpa ruh. Kane ka long ka rukom kaba dei ban ioh ïa ka hok na u symbai Khasi, ban ym duh jait. Kane ka long ka jingleh shiliang halor ka hok longbriew manbriew ha ngi ki Khasi – Hynñiewtrep.
