New Delhi, Nohprah:
Ka Kynhun Myntri jong ka sorkar kmie ka la pynbna ban nang pynjlan por shuh ha kaba ïadei bad ka jingpyntreikam ïa la Pradhan Mantri Garib Kalyan Anna Yojana (PMGKAY) Scheme na ka bynta ban pynbiang ei da 5 kilo ki jingbam kiba kynthup ïa ki shana, ki jingbam shyieng ne symbai na ka bynta shisien shi bnai sha ki 81.35 klur tylli ki longïing jong ki briew baduk sa kumba san snem ka ban sdang treikam naduh ka 1 tarik, Kyllalyngkot, 2024.
Ka rai ha kaba ïadei bad kane ka bynta la shim ha ka por ba la don ka jingïalang jong ka Kynhun Myntri ba la pynïaid da u Myntri Rangbahduh u Narendra Mod ha ka sngi Ba-ar jong ka taïew ba la dep ha kaba ka jingpyntreikam hadien kane ka jingpynbna ka la bteng bad ïaid shakhmat.
Kum ka jingong ba kane ka rai kan sah kynmaw ha ka khana pateng, ka sorkar ka la ong ba ka jingpynjlan shuh shuh ban sam jingbam ei hapoh ka jingtreikam jong ka PMGKAY sa na ka bynta ki san snem ka pynpaw ïa ka jinglah shakri bad ka jingïohi jngai jong ka sorar na ka bynta pynbiang bam ban lait na ka jingkyrduh bam bad ki jingbam kiba tei sha ki paidbah.
Ka skhim PMGKAY ka ban pynbiang ei da 5 kilo ki jingbam shyieng bad symbai la nang pynjlan shuh shuh na ka bynta 80 klur ngut ki briew ki baduk na ka bynta san snem ka ban sdang naduh ka 1 tarik, Kyllalyngkot, 2024.
Ha ka por ba laleit, ka la pynjlan haduh ka 31 tarik, Nohprah jong u snem 2023.
U Myntri jong ka Information and Broadcasting u Anurag Thakur u la ong ba ka jingmang na ka bynta ka jingpynlut halor ka skhim na ka bynta ki san snem ban wan ka la long ha ka jinglut kaba T. 11.8 lak klur.
