Shienzhen, Nohprah:
Ka China ha ka Sngi Saitjaiñ ka la pynbna bym shym don shuh kiba ioh kem pang thymmai ia ka jingshitom ring mynsiem ba la ioh da kiba bun ki khynnah nongshong shnong ka China naduh kine ki khyndiat bnai ba la leit. Kumta la ong ba watla ka China ka la sdang ban shah ktah jur ha katei ka jingshitom ring mynsiem ba thymmai, katba na ka liang ki bor pyniaid jong katei ka ri pat ki la kyntait war ba kane ka jingpang ka long kaba ap jingma ia ka China bad ia kiwei ruh ki ri. Nalor nangta ka la kam ruh ba ki long tang ki jingshitom kumba long barabor bad ka bym don jingma eiei ia ki paidbah jong ka China ne ia kiwei kiwei ruh ki ri.
Ha katei ka Sngi Saitjaiñ, u heh ka tnat ka koit ka khiah ka China u la pyntip ba ym shym don shuh kiba ioh kem ia katei ka jingpang naduh ka sngi ba la leit.
