Saipung, Nohprah 03
Ka Mulait United Football Club ka la ïoh rung sha ka final jong ka lympung ïalehkai Super Division Football League ba pynïaid da ka Saipung Block Sports Association (SBSA).
Ka jingïoh rung final jong ka Mulait United FC ka la long hadien ba ka la lah ban pynliem noh ïa ka Lamyrsiang SCC da 1-0 kol ha ka jingïakhun semi final (Qualifier) kaba la long ha madan Lamyrsiang ha ka sngi Saitjaiñ.
Ïa kane ka shi kol jong ka Mulait United FC la ïoh ban thep da u Jeffree Surong ha ka minit kaba 115 kata hadien ba la rah ïa ka jingïakhun sha ka extra time, kata hadien ba ka jingïakhun ha ki 90 minit ka la kut noh ha ka jingïakhaid khlem don kiba lah ban pynkhih jar.
Haba phai pat sha ka jingïakhun kaba bud (Elininator), ka Jalaphet Bri Sumer Sports Club ka la lah ban pynliem noh ïa ka Narwan Sports Club da 1-0 kol bad ïa kane ka kol la thep da u Plider Dkhar ha ka minit kaba 50.
Ha ka 5 tarik mynta u bnai pat ka jingïakhun semi final (Eliminator) kan long hapdeng ka Jalaphet Bri Sumer Sports Club pyrshah ïa ka Lamyrsiang SCC ha ka por 12.30 mynsngi.
