Chandigarh, Nohprah:
Ka mat ha kaba ïadei bad ka jingmang lypa halor ki jingpynrung skul ïa ki khynnah ha ki skul ba la shah ithuh jong ki riewshimet bad ka jingduna jong ki nonghikai la rah da u MLA ka Banga u Sukhwinder Singh Sukhi ha ka por ba la don ka jingkylli ha ka kynta ba la buh ha ka sngi ba la pynkut ïa ka dorbar Tlang jong ka Punjab Assembly.
Ki dkhot jong ka liang pyrshah ki la ïapyni nia bad u Myntri ka School Education u Harjot Singh Bains ha Punjab Vidhan Sabha ha ka taïew ba la lah halor ka jingduna jong ki nonghikai ha ki skul, ka jingmang jaka lypa na ka bynta ki khynnah kiba wan na ki longïing ki baduk bad ki kynhun kiba shah kyntait ha ki skul jong ki riewshimet bad ka jingkiew sted ha ka jingtei ha ki skul kiba la biang bha ki jingai jinghikai hapoh ka jylla. Ka mat halor ka jingmang jaka na ka bynta ki khynnah ha ki skul jong ki riewshimet ba la shah ithuh bad ki skul ba duna nonghikai la wanrah da u MLA jong ka Banga.
Uwei na ki dkhot jong ka ïingdorbar u la buh jingkylli ïa u Myntri ha kano ka rukom kiba bun ki khynnah ki la shah pynrung skul bad ïoh ïa ki jinghikai ei ha ki skul jong ki riewshimet kiba hapoh jong ka ha ki lai snem bad lada don kawei pat ka mang tyngka kaba la mang halor kane.
U Bains, ha ka jingai jubab jong u, u la ong ba katkum ka Right to Education Act 2009, ka jingai jinghikai ei ba la ai sha ki khynnah ka long na ka bynta baroh ki klas ha ki skul sorkar bad kumjuh ki skul ba la shah ithuh ha ka sorkar.
“Man iwei pa iwei i khynnah skul, khlem da peit ïa ka kynhun jait bynriew, ka jingriewspah bad kiwei pat ki jingïapher, ki don ïa ka hok ban rung ha ki skul sorkar bad ki skul ba la shah ithuh ha ka sorkar. Ka jingtrei shitom jong ka sorkar ka dang ïai bteng khnang ban lah ban kyntiew ïa ka kyrdan jong ki skul,” u la ong.
U Myntri u la ong shuh shuh ba haba kane ka sorkar kaba mynta ka la shimti ïa ka jingsynshar ha ki lai snem, ki la don kumba 3,500 tylli na ki 20,000 tylli ki skul sorkar kiba la duna nonghikai ne kiba la don tang iwei u nonghikai.
“Ka jingdon jong kum kine ki skul ka la sdang ban duna sha ka 600 tylli ha une u snem. Ha u bnai Lber, yn ym don shuh ki skul ki ban long khlem ki nonghikai. Ngi la trei shitom na ka bynta ban kyntiew ïa ki rukom treikam ha ki skul. Baroh ki skul kin sa don ki wi-fi ha ka 31 tarik, Lber, 2024. Ki la don lypa kumba 4,000 tylli ki skul kiba la ïoh ïa ki wi-fi,” u la ong.
