Nongstoiñ, Nohprah 04
Ka Khliehmawlieh YC ka la khur ïa ka jingjop ha ka lympung ïalehkai NDSA Premier League Football Tournament 2023-24 hadien ba ka la lah ban pynliem noh ïa ka Mawkawah FC da 2-0 kol ha ka Lah Sngi U Blei ha madan NDSA kaba ha Nongpyndeng.
Kane ka nam jop jong ka Khliehmawlieh ka la wan urlong lyngba u Kyntiew Marthong uba la thep ha ka minit kaba 8 bad ïa kawei pat la thep shwa ban wai lyngba u Shemjinghmut Kharmutee ha ka minit kaba 87.
Haba phai pat ha ka 1st Division, ka kynhun ïalehkai jong ka Mawïong PSC ka la jop da 2-1 kol ïa ka Jaidoh YSA.
