Shillong, Nohprah 04
Ka Pohkseh SC bad ka Smit SC ki la khur ïa ka jingjop ha ka Second Division Football League ba la pynïaid da ka Shil-long Sports Associa-tion ha ka Lah Sngi U Blei ha SSA Stadium, Polo.
Ha ka jingïakhun kaba nyngkong, ka Pohkseh SC ka la pynliem noh ïa ka Imson SC da 3-0 kol. Naduh kaba sdang ka Pohkseh ka la lah ban ïalehkai bha naduh kaba sdang ha kaba ka la ïoh ban pynkhih jar nyngkong eh ha ka minit kaba 5 lyngba u Reinjoywell Wartde.
Hadien shiteng kynta ka Pohkseh ka la thep biang ïa ka kol kaba ar lyngba u Wanjoplang Khriam ha ka minit kaba 31 bad ia ka kol kaba khatduh la thep da u Bradley Khar-kongor ha ka minit kaba 60 na ka bynta ban khur syndon ïa ka jingjop.
Haba phai sha kawei pat ka jingïakhun kaba ar, ka Smit SC ka la jop da 3-2 kol ïa ka Lumshyiap SC. Kane ka nam jop ka la wan urlong lyngba u Bankyrshan Ryngdang, Kalbest Pathaw bad u Dameshwa Nongneng.
Ha kane ka jingïa-khun ka Smit ka la ïoh ban pynkhih jar nyng-kong eh lyngba u Bankyrshan Ryngdang ha ka minit kaba 14. Hadien shiteng kynta ka Lumshyiap ka la pynphai kylla ar kol lyngba u Aldomac Nongneng ha ka minit kaba 37 & 39.
Hadien ba la bteng ïa ka jingïakhun jong ka kylla miet, ka Smit ka la ïoh ban thep biang sa ar kol lyngba u Kalbest Pathaw ha ka minit 77 bad u Dameshwa Nong-neng ha ka minit kaba 79 na ka bynta ban khur syndon ïa ka jingjop.
Kane ka lympung kan bteng biang ha ka 7 tarik ha kaba ka Laitkyrhong SC pyrshah ïa ka Nong-rah SC ha ka por 11:30 mynstep, katba ka Nongkrem SC ïa ka Sohryngkham SC ha ka por 2:30 janmiet.
