Mindanao, Nohprah:
Ka tnat United States Geological Survey ha ka step Sngi Nyngkong ka la pyntip ba u jumai uba khlaiñ haduh kumba 6.9 Magnitude u la pyn khynñiuh ia ka thaiñ Shathie jong ka Philippines ha ka step Sngi Nyngkong.
Utei u jumai u la khynñiuh ha ka por kumba 4:00 baje jong katei ka step Sngi Nyngkong ha ka jingjylliew na shapoh khyndew kumba 30 Kilometre lane kumba 18 Mile, kumba 72 Kilometre pat na ka thaiñ Shatei Lam Mihngi jong ka Hinatuan kaba don hapoh ka dew lynnong Mindanao.
Hashwa jong utei u jumai, la ong ba ha ka Sngi U Blei pat u jumai uba 6.6 Magnitude bad kumjuh ruh uba 7.6 Magnitude ha ka Sngi Saitjaiñ uba la pynkhñiuh ia katei kajuh hi ka thaiñ bad la long kumba 3 sngi kynthih khlem sangeh.
Ha utei u jumai uba la khynñiuh ha ka Sngi Saitjaiñ, la don 2 ngut kiba khlad bad katto katne pat kiba shah ktah bad mynsaw.
