Nongstoiñ, Nohprah 04
Ka Blue Bomber’s FC kawei na ki kynhun ïalehkai na Shillong ka la khur ïa ka jingjop ha ka lympung ïalehkai Invitation Knockout Football Tournament 2023 ba la pynlong da ka New Nongstoiñ Sports Social &Cultural Club.
Ka nam jop jong ka Blue Bomber’s ka la wan hadien ba ka la lah ban pynliem noh da 2-1 kol ïa ka KMC FC kaba na Sonapur ha ka Lah Sngi U Blei ha madan ïalehkai kaba ha New Nongstoiñ.
Haba phai sha katei ka jingïakhun hapdeng kitei ar tylli kynhun, dei ka KMC FC kaba la ïoh ban pynkhih jar nyngkong eh ha ka minit kaba 13 lyngba u Robert Khongjoh katba ha ka minit kaba 25 ka Blue Bomber’s ka la ïoh ban pynphai kylla lyngba u Basuk Bina. Kumjuh ruh ha ka minit kaba 33 lyngba u Stephan Pale ka Blue Bomber’s u la ïoh biang ban thep ïa ka kol ba ar kaba long syndon ka kol jong ka jingjop ïa ka kynhun.
Ïa ka nam Man of the Match ha katei ka sngi la ïoh ban khur da u Stephan Pale.
Na ka liang ka NNSSCC ka la pyntip ruh ba ka jingïalehkai kan bteng biang ha ka 12 tarik mynta u bnai hapdeng ka 7 Wasa pyrshah ïa ka Peerless FC kaba na Kolkata ha ka por 1 baje janmiet.
