Khliehriat, Nohprah 04
Ka Rymbai Shkenshynriah SC bad ka Molamanoh SC ki la khur ïa ka jingjop ha ka Super Division Football Tournament ba la pynïaid da ka East Jaiñtia Hills District Football Association (EJHDFA) hadien ba ki la khur jingjop ha ka Lah Sngi U Blei ha ha madan artificial turf ha Diengshynrum.
Ha ka jingïalehkai kaba nyngkong, ka Rymbai Shkenshynriah ka la pynliem noh ïa ka Khliehriat West YWSC da 2-0 kol. Ïa kine la thep da u Rumi Lyngdoh ha ka minit kaba 41 bad u Vicky Dkhar haka minit kaba 64.
Ha kawei pat ka jingïakhun kaba ar, ka Moolamanoh ka la pynliem ïa ka Rymbai Wahshnong da 3-0 kol. Ïa kine la thep da u Lakhon Surong lyngba ka penalty ha ka minit kaba 56, u Kiming Dkhar ha ka minit kaba 86 bad u Eriston Dkhar (90’+1).
Ka jingïalehkai kaba khatduh jong kane ka lympung kan long ha ka 6 tarik hapdeng ka Rymbai Wahshnong pyrshah ïa ka Thangskai Tiger, ka Rymbai Ïawpynsing ïa ka Moolamanoh, ka Sutnga ïa ka Khliehriat West ha ka por 11 baje mynstep ha ki artylli ki madan ïalehkai.
