Amlarem, Nohprah 04
Ka YFC Trangblang SC bad ka Namrhen Ryntih Kudengrim ki long kynhun ban ïaknieh ïa ka nam lahduh ha ka Lower Division Football Tournament ba la pynïaid da ka Amlarem Sub Division Sports Association (ASSA). Kane ka wan urlong hadien ba ki la khur jingjop ha ka jingïakhun semi final kaba la long ha ka Lah Sngi U Blei ha Mini Stadium LadJaplem, Amlarem.
Ha ka jingïakhun semi final kaba nyngkong, ka YFC Trangblang ka la pynliem ïa ka Amlanai TC lyng-ba ka jingïashut tie-breaker da da 9-8 kol.
Ha ka semi final kaba ar, ka Namrhen Ryntih Kudengrim ka la pynliem da 1-0 kol ïa ka Shnongpdeng bad ïa kane ka shi kol la thep da u Maitshaphrang Talang ha ka minit kaba 50.
Ka jingïakhun final jong ka Lower Division kan long ha ka 15 tarik mynta u bnai ha ka por 12 baje mynsngi.
Katba ka jingïakhun semi final jong ka Upper Division Football Tournament kan long ha ka 5 tarik, hapdeng ka Sohlawiat SC pyrshah ïa ka Lumpynngad SC ha ka por 12 baje, katba ka Syndai Kmai Shnong ïa ka Pamtbuh SC.
