Amlarem, Nohprah 05
Ka Amlarem Social Club bad ka Seinbhalang Shkentalang ki la wan ha ka kyrdan ba hakhlieh duh jong ka miej ïakheiñ point jong ka Super Division Football League ba la pynïaid da ka Amlarem Sub Division Sports Association (ASSA).
Ha ka sien ïakhun kaba mar hynñiew, ka Amlarem Social Club bad ka Seinbhalang Shkentalang ki la kamai mar 14 point, ka Jarain 13 point, ka Dongmihsngi Mupyut 11, ka Youth Club Pdengkarong 8, ka Man-i-bha 5, ka Umladkhur 4 bad ka Thangbuli 3.
Haba phai sha ka jingïakhun kaba la long ha ka sngi Ba-ar ha Mini Stadium Ladjaplem, Amlarem, ka Seinbhalang Shkentalang ka la pynliem ïa ka Youth club Pdengkerong lyngba ka shi kol ba la thep da u Abul Sabar ha ka minit kaba 56.
Ka jingïalehkai kaba khatduh jong kane ka kylla kan long ha ka sngi Balang hadpeng ka Man I bha bad ka Umladkhur SC ha ka por 2 baje nohphai sngi.
Haba phai sha ka jingïakhun semi final kaba nyngkong jong ka jingïalehkai Upper Division Football Tournament, ka Lumpynngad SC ka la pynliem ïa ka Sohlawait SC lyng-ba ka tie-breaker da 5-4 kol hadien ba kim shym la lah ban thep kol haduh kaba kut ka jingïalehkai.
