Shillong, Nohprah 05
Ka North-Eastern Region (NER) Shillong ka la rah ïa ka nam lahduh ha ka lympung ïalehkai Powergrid Inter-Regional Football Tournament 2023 hadien ba ka la lah ban pynliem noh ia ka Corporate Centre (CC) da 2-0 kol ha madan MFA Turf, Polo.
Ha kane ka jingïakhun final kaba la long ha ka Sngi Ba-ar, ka NER ka la ïoh ban thep kol lyngba u Dao Wohni Sutnga bad u SP Zou.
U Ashish Tamang jong ka Eastern Region-II u la ïohpdiang ïa ka nam rangap kol ba kynsai, katba ki rangïalehkai jong ka kynhun lahduh kata u Zou bad u Laldinpuia ki la ïohpdiang ïa ka but ksiar bad rangïalehkai jong ka lympung.
Ki heh ki haiñ kiba la don lang ha kane ka sngi ki long u Upananda Kataki, Executive Director, Powergrid, u SK Sharma, DGM, Corporate Centre, u M.K Baruah, Senior General Manager, u Anjan Sanyal, SR GM (HR), bad u Bah Cliff Nongrum, Vice-President ka Meghalaya Football Association.
