Saipung, Nohprah 05
Ka Lamyrsiang SCC bad ka Mulait United FC kin ïaknieh ïa ka nam lahduh ha ka lympung ïalehkai Super Division Football League ba la pynïaid da ka Saipung Block Sports Association (SBSA).
Kane ka la wan hadien ba ka Mulait United FC ka la khur jingjop ha ka jingiakhun Semi Final Qualifier, katba ka Lamyrsiang ka la jop ha ka jingïakhun semi final (Eliminator) kaba la long ha madan Lamyrsiang ha ka Sngi Ba-ar.
Ha ka jingiakhun kaba nyngkong, ka Lamyrsiang ka la pynliem noh ïa ka Jalaphet Bri Sumer da 1-0 kol.
Ka jingïakhun ka la long kaba ïathaiñ bha hapdeng baroh arliang mamla bad dei ha ka minit kaba 80 ba ka Lymrsiang ka la ïoh ban pynkhih jar lyngba u Go Goa Hangshing bad kaba la biang pura ïa ka Lamyrsiang ba kan rung sha ka final.
Ki nongpynïaid ki la pyntip ba ïa ka tarik jong ka jingïakhun final yn sa pynbna hadien.
