Amlarem, Nohprah 06
Ka lympung ïalehkai Super Division Football League ba la pynïaid da ka Amlarem Sub Division Sports Associa-tion (ASSA) ka poi sha kaba kut jong kane ka aïom ïalehkai shwa ban jam sha ka semi final.
Ha ka jingïakhun kaba khatduh jong kane ka lympung kaba la long ha madan Mini Stadium Ladjaplem, Amlarem, ka Umladkhur ka la pynliem ïa ka Man I Bha da 2-0 kol. Ïa kane ki ar kol la thep da u Dongmi Surong ha ka minit kaba 48 bad u Rishot Dkhar ha ka minit kaba 70.
Katba ha ka jingïakhun semi final kaba ar jong ka Upper Division Football Tournament, ka Pamtbuh SC ka la pynliem ïa ka Syndai Kmaishnong lyngba ka tie-breaker da 5-4 kol.
