Nongstoiñ, Nohprah 06
Ka Tiehsaw PSC ka la khur ïa ka jingjop ha ka lympung ïalehkai NDSA Premier League Football Tournament 2023, hadien ba ka la lah ban pynjem khnap ïa ka Mawliehbah haduh 5-0 kol ha ka Sngi Balang.
Ha ka jingïakhun jong ka 1st Division, ka kynhun ïalehkai jong ka Porshangbet ka la ïoh ban khur ïa ka jingjop hadien ba ka la pynliem noh da 2-0 kol ïa ka Nonglwai II.
Na ka liang ka Football Committee ka la pyntip ba ka jingïalehkai ha ka Sngi Palei ha ka 1st Division kan long hapdeng ka Marskuiñ pyrshah ïa ka Lawse ha ka por 12:05 mynsngi, katba ha ka Super Division ka Upper New Nongstoiñ kan ïakhun pyrshah ïa ka Mawlarshong ha ka por 2 baje janmiet.
