Washington, Nohprah:
U President ka United States, u Joe Biden ha ka Sngi Ba-ar u la pynrem jur halor ki kam thombor jong ki lehnoh Hamas pyrshah ia ki paidbah jong ka Israel kaba la jia ha ka 7 tarik u Risaw jong une u snem 2023, khamtam haba iadei bad ka jingshah rahbor bad shah batbor ki kynthei nong Israel ha ki dkhot jong katei ka kynhun lehnoh.
Ha kajuh ka por ruh u Biden u la kyntu ia ka Hamas ba kan pyllait noh ia baroh kito kiba ka la rahbor na Israel ha utei u Risaw bad ban pyntikna ruh ia ka jingshngaiñ jong kito kiba dang don ha ka kti jongki haduh kane ka kynti.
Namar u la ong ruh ba dei ka jingbym kohnguh jong katei hi ka kynhun lehnoh ban pyllait noh ia baroh kiba ka la rahbor bad kaba la pynlong ia ka Israel ba kan ym ïasuk shuh bad ban nang iai bteng biang ia ka thma ha kane ka sien.
