Jerusalem, Nohprah:
U Myntri Ranbahduh ka Israel, u Benjamin Netanyahu ha kane ka khubor u la ong ba ia ka Gaza Strip, yn hap ban synshar hi noh da ki shipai ka Israel Defence Forces (IDF) ynda la kut ka thma khnang ban lah pynbit- pynbiang bad ban pynkhlaiñ ia ka jingiada na ka bynta ki paidbah nongshong shnong ka Gaza kiba la shu im hapdeng ka jingtieng-jing syier bad ka jingbym shngaiñ baroh shi katta ki snem ba la leit.
Hynrei la ong ba kane kam long ka sien ba nyngkong ia u Netanyahu ba un kren shaphang ka jingkwah jong u ban phah synshar hi da ki shipai ka Israel ha katei ka nongbah Gaza jong ka Palestine.
Utei u nongialam ka Israel u la ong ba ha ka sngi ba ka Gaza kan shah rem noh ha ka Israel, bad shuwa ba ka Gaza kan lait noh na ka kti jingsynshar jong ki Hamas, ka pyrthei baroh kan tip ba don tang kawei ka bor kaba lah ban synshar ia ka Gaza bad kata ka dei ka Israel Defence Forces (IDF).
