Shillong, Nohprah 07
Ka lympung ïalehkai Second Division Football League 2023 ba la pynïaid da ka Shillong Sports Associa -tion ka la pynlong ïa ka Nongrah SC bad ka Sohryngkham SC ban ïoh jingjop ha ka Sngi Palei ha SSA Stadium, Polo.
Ha ka jingïakhun kaba nyngkong, ka Nongrah ka la pynliem noh ïa ka Laitkyrhong SC da 2-1 kol.
Tang mar ïasdang ka jingïalehkai ka Nongrah ka la ïoh ban pynkhih jar nyngkong eh lyngba u Dawandappura Pathaw ha ka mint kaba nyngkong na ka bynta ban tam shi kol ha ka kylla step.
Ha ka kylla miet, ka Nongrah ka la pynbud ïa ka kol kaba ar ha ka minit kaba 53 lyngba u Kerionald Pyngrope. Hadien katto katne por ka Laitkyrhong ka la lah ban pynphai kylla lyngba u Learningstar Warlarpih ha ka minit kaba 74 hashwa ba kan mad ïa ka jingshah rem.
Haba phai sha kawei pat ka jingïakhun kaba ar, ka Sohryngkham ka la jop da 2-1 kol ïa ka Nongkrem SC.
Ha kane ka jingïa-khun ka Nongkrem ka la ïoh ban thep kol nyngkong ha ka minit kaba 10 lyngba u Pynshai Kharsyntiew na ka bynta ban tam shi kol ha ka kylla step.
Watla ka Sohryngkham kam shym la lah ban pynphai ha ka kylla step, hynrei ka la lah ban pynurlong ha ka kylla miet na ka bynta ban pynphai kylla haduh ar kol lyngba u Iarbok kshiar ha ka minit kaba 70 bad u Wanbok Dkhar (88) na ka bynta ban khur syndon ïa ka jingjop.
Ka jingïalehkai ha ka sngi Thohdieng kan long hapdeng ka Marbisu SC pyrshah ïa ka Jongksha SC ha ka por 11:30 mynstep, katba ka Smit SC ïa ka Pohkseh SC ha ka por 2:30 janmiet.
