Las Vegas, Nohprah:
Ha kane ka jingjia la ong ba 3 ngut ki la khlad noh hadien ka jingsynreit kuli kaba shyrkhei hapoh ka skulbah jong ka nongbah Las Vegas ha ka Sngi Balang bad la suba ba u nongsiat ruh u la khlad lang ialade ha katei ka jingjia.
Katei ka skulbah University of Nevada kaba don hapoh Las Vegas, ka long ruh tang kumba katto katne minit lada iaid kjat sha Las Vegas Strip bad kane ka long ka jingjia kaba hadien duh ba ka United States ka ioh mad ha kane ka por haba iadei bad ki jingsynreit kuli naphang.
Ki nongsakhi kiba don ha katei ka jaka ki la iathuh ba don 3 ngut kiba la khlad na katei ka jingjia, ha kaba uwei pat u don ha thmier ka jingïap bad u dang shah sumar hapoh ka jaka sumar ha katei hi ka nongbah.
Hynrei ki pulit ki la iathuh ba uwei napdeng kitei ki 3 ngut kiba khlad, la suba ba un dei u nongsiat ha katei ka jingjia. La iathuh ruh ba ki pulit ki la ioh pdiang ia ka phone ha ka por shiteng sngi jong katei ka Sngi Balang na ki bor pyniaid katei ka jaka.
