Chennai, Nohprah:
Ki la don sa lai ngut ki briew kiba la ïap hadien ba la lap ïa ki met jong ki na ka jingtwa jong kawei ka ïing kaba don ha Chennai, ha kaba da kane ka jingïap jong ki briew na ka jingkhie ka ‘erïong ka la kiew sha 20 ngut.
Ka ‘erïong Michaung ka la sdang ban jai jai hadien ba ka la ïaid lyngba ka jylla Tamil Nadu, Andhra Pradesh bad Odisha. Ki nongshong shnong jong kine ki jylla ki la kham lait na ka jingshah ktah ha ka erïong bad mynta kaba buh jingeh ïa ki ka long sa tang na ka daw jong ka jingshlei um ha kylleng ki jaka.
Ki bor ba dei khmih ki dang bteng ban ai jingïarap ïa ki lanot shlei um bad kumjuh ban pynkynriah jaka ïa ki na ki jaka ba la ngat ha ka jingshlei um.
