Shillong, Nohprah 07
U Declan Rice u la ïoh ban thep kol ha shwa ban kut artad ka jingïalehkai na ka bynta ban pynlong ïa ka Arsenal ban pynliem noh ïa ka Luton Town da 4-3 kol na ka bynta ban ïai bteng ban lamkhmat ha ka Premier League.
Ha kane ka jingïakhun kaba la long ha ka Sngi Ba-ar, u rangapkol ka Arsenal u David Raya u la kum bakla ha kaba ka Luton ka la ïoh ei ar kol bad ha ka jingshisha ka Arsenal ka la dei ban shah khate ar point ha Kenilworth Road.
Hynrei hashwa ban kut artad ka jingïalehkai, u Rice u la lah ban pynurlong lyngba ka jingïarap pynbuh da u Martin Odegaard na ka bynta ban pynlong ïa ka Arsenal ban tam 5 point ïa ka Liverpool, kaba la don ha ka kyrdan ba-ar.
