Mawkyrwat, Nohprah 07
Ka kynhun ïalehkai jong ka Aphuyemi FC kaba na Nagaland kan ïakhun pyrshah ïa ka Tura United FC na West Garo Hills ha ka lympung ïalehkai Mawlangwir Football Invitation Tournament 2023- 24.
Kane ka jingïakhun kan long ha ka Sngi Thohdieng ha Rowell Lyngdoh Stadium, kaba ha Saitsnad, Mawlangwir SWKHD ha ka por 1 baje nohpah sngi.
Na ka liang ka Tournament Committee jong ka Mawlangwir Sport Club ka la pyntip ruh sha ki paidbah riew ïeit kynjatbol jong ka dong ka thaiñ ba ka dor jong ka bai tiket kan long T.50 tyngka 2 tylli ki tiket bad T.100 tyngka 5 tylli ki tiket bad kin don ruh ki jingai sngewbha ïa ki paidbah lyngba ki tiket kiba ki thied.
